عالمی شہرت یافتہ فٹبالر لیونل میسی اپنی دوست سے شادی کرنے جارہے ہیں

ارجنٹائن،30جون(ایجنسی) ارجنٹائن کے عالمی شہرت یافتہ فٹبالر اور بارسلونا کلب کے ستارے لیونل میسی جمعے کے روز اپنی دوست انٹونیلا روکوزو کے ساتھ رشتہ ازدواج میں منسلک ہو رہے ہیں۔ واضح رہے کہ دونوں کے درمیان طویل عرصے سے محبت کا تعلق قائم ہے۔

اس سلسلے میں فٹ بال کی دنیا کے ستاروں کی ارجنٹائن کے شہر روزاریو آمد جاری ہے۔ یہ میسی کا



آبائی شہر ہے اور اسی شہر میں ان کی شادی کی تقریب منعقد ہو گی۔

یاد رہے کہ میسی کی شادی کی تقریب شہر کے ایک مہنگے ترین ہوٹل میں ہو گی۔ مہمانوں کے قیام کے لیے ہوٹل کے تمام 250 کمرے بک کر لیے گئے ہیں جب کہ 150 کے قریب صحافی اس تقریب کی کوریج کریں گے۔

سب سے حیران کن بات یہ ہے کہ دولہا اور دلہن کی جانب سے مہمانوں کے واسطے تحفے کے طور پر مرد اور خواتین کے لیے ہیئر ڈریسنگ کی مفت خدمات پیش کی جائیں گی۔